Guzre jo apne yaron ki sohbat mein chaar din

A G JOSH

guzre jo apne yāroñ kī sohbat meñ chaar din
aisā lagā basar hue jannat meñ chaar din

umr-e-ḳhizar kī us ko tamannā kabhī na ho
insān jī sake jo mohabbat meñ chaar din

jab tak jiye nibhā.eñge ham un se dostī
apne rahe jo dost musībat meñ chaar din

ai jān-e-ārzū vo qayāmat se kam na the
kaaTe tire baġhair jo ġhurbat meñ chaar din

phir umr bhar kabhī na sukūñ pā sakā ye dil
kaTne the jo bhī kaT ga.e rāhat meñ chaar din

jo faqr meñ surūr hai shāhī meñ vo kahāñ
ham bhī rahe haiñ nashsha-e-daulat meñ chaar din

us aag ne jalā ke ye dil raakh kar diyā
uThte the ‘josh’ sho.ale jo vahshat meñ chaar din

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s